ದೇವಾಡಿಗ ಭವನ ನೆರೂಲ್ ಇದರ 15ನೇ ವಾರ್ಷಿಕೋತ್ಸವ

ನೆರೂಲ್: ಮುಂಬಯಿಯ ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಒಂದಾದ ದೇವಾಡಿಗ ಸಂಘ ಮುಂಬಯಿ ಇದರ ನೆರೂಲ್ ನವಿ ಮುಂಬಯಿಯ ತಮ್ಮ ಪ್ರಾದೇಶಿಕ ಸಾಂಸ್ಕೃತಿಕ ಕೇಂದ್ರ “ದೇವಾಡಿಗ ಭವನ” ಇದರ 15 ನೇ ವಾರ್ಷಿಕೋತ್ಸವವನ್ನು 24 ಫೆಬ್ರವರಿ 2022 ರಂದು ಸಂಘದ ಅಧ್ಯಕ್ಷರಾದ ಶ್ರೀ ರವಿ ಎಸ್. ದೇವಾಡಿಗ ಮತ್ತು ಪ್ರಧಾನ ಕಾರ್ಯದರ್ಶಿ ಶ್ರೀ ವಿಶ್ವನಾಥ್ ದೇವಾಡಿಗ ಅವರ ಮಾರ್ಗದರ್ಶನದಲ್ಲಿ ಆಚರಿಸಲಾಯಿತು.

ಆಚರಣೆಯ ಅಂಗವಾಗಿ, ಭವನದಲ್ಲಿ ಸ್ಥಾಪಿಸಲಾದ ಶ್ರೀರಾಮ ದೇವಾಲಯದಲ್ಲಿ ತಮ್ಮದೇ ಆದ ಭಜನಾ ತಂಡ “ಶ್ರೀ ರಾಮ ಭಜನಾ ಮಂಡಳಿ” ಇವರಿಂದ ಭಜನಾ ಕಾರ್ಯಕ್ರಮವನ್ನು ನಡೆಸಲಾಯಿತು. ಮುಂಬಯಿ, ನವಿ ಮುಂಬಯಿ, ಠಾಣೆಯಂತಹ ವಿವಿಧೆಡೆಗಳಿಂದ ಆಗಮಿಸಿದ್ದ ಸದಸ್ಯರು ಭಕ್ತಿಗೀತೆಗಳ ಗಾಯನದ ಎರಡು ಗಂಟೆಗಳ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಸಮಾಜದ ಮತ್ತು ವಿಶೇಷವಾಗಿ ದೇವಾಡಿಗರ ಕಲ್ಯಾಣಕ್ಕಾಗಿ ಹಾಗೂ ಪ್ರಗತಿಗಾಗಿ ಪ್ರಾರ್ಥಿಸಿದರು.

ದೇವಾಡಿಗ ಸಂಘ ಮುಂಬಯಿ ಇದು ಮುಂಬಯಿಯ 97 ವರ್ಷಗಳಷ್ಟು ಹಳೆಯ ಸಂಸ್ಥೆಯಾಗಿದೆ ಮತ್ತು 2025 ರಲ್ಲಿ ಇದರ ಶತಮಾನೋತ್ಸವ ಆಚರಣೆಯ ಸಿದ್ಧತೆ ಈಗಾಗಲೇ ಪ್ರಾರಂಭಗೊಂಡಿದೆ. ಮುಂಬೈ, ನವಿ ಮುಂಬೈ ಮತ್ತು ಥಾಣೆಯಲ್ಲಿ ಸುಮಾರು 25,000 ದೇವಾಡಿಗ ಸಮುದಾಯದ ಕುಟುಂಬಗಳಿವೆ. ಸುಮಾರು 5000 ಸದಸ್ಯರು ಸಂಘಕ್ಕೆ ಸೇರಿದ್ದಾರೆ. ಸಂಘವು ಮಾತೃ ಸಂಸ್ಥೆಯಾಗಿದ್ದು, ಮುಂಬೈ ನಗರ, ಜೋಗೇಶ್ವರಿ, ಬೊರಿವಲಿ, ಮೀರಾ ರೋಡ್, ಚೆಂಬೂರ್, ಅಸಲ್ಫಾ, ಮುಲುಂಡ್, ಥಾಣೆ, ಡೊಂಬಿವಲಿ ಮತ್ತು ನವಿ ಮುಂಬೈ ಪ್ರದೇಶಗಳಿಗೆ 10 ಪ್ರಾದೇಶಿಕ ಸಮಿತಿಗಳನ್ನು ಹೊಂದಿದೆ.

ದೇವಾಡಿಗರು ಮೂಲತಃ ಕರ್ನಾಟಕ ರಾಜ್ಯದ ಕರಾವಳಿ ಪ್ರದೇಶದಿಂದ ಬಂದವರು, ತುಳು ಮತ್ತು ಕನ್ನಡ ಭಾಷೆಗಳನ್ನು ತಮ್ಮ ಮಾತೃಭಾಷೆಯಾಗಿ ಮಾತನಾಡುತ್ತಾರೆ. ಅವರು ಮೂಲತಃ ಮಧ್ಯಮ ವರ್ಗ ಮತ್ತು ಕೆಳ ಮಧ್ಯಮ ವರ್ಗದ ಸಮುದಾಯದವರಾಗಿದ್ದರೆ. ಇತಿಹಾಸದ ಮೂಲಕ, ಅವರು ಹಿಂದೂ ದೇವಾಲಯಗಳ ನಿರ್ವಹಣೆಯಲ್ಲಿ ತಮ್ಮನ್ನುತೊಡಗಿಸಿಕೊಂಡಿದ್ದಾರೆ ಮತ್ತು ಅವರು ದೇವಾಲಯಗಳು ಮತ್ತು ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಎಲ್ಲಾ ರೀತಿಯ ವಾದ್ಯ ಸಂಗೀತವನ್ನು ನಿರ್ವಹಿಸುವುದರಿಂದ ಅವರನ್ನು ದೇವಾಲಯದ ಸಂಗೀತಗಾರರು ಎಂದೂ ಕರೆಯುತ್ತಾರೆ ಮತ್ತು ಅವರನ್ನು "ವಾದ್ಯ" ಅಥವಾ "ಪಂಚ ವಾದ್ಯ" ಅಥವಾ "ಬ್ಯಾಂಡ್ ವಾದ್ಯ" ಅಥವಾ "ನಾದಸ್ವರ ವಾದ್ಯ" ಇತ್ಯಾದಿ ವಾದ್ಯಗಳು ಅವರ ಜಾತಿ ಕಸುಬು ಎಂದು ಕರೆಯಲಾಗುತ್ತದೆ.

ದೇವಾಡಿಗ ಸಮುದಾಯದ ಕುಲದೇವತೆ ಯಾರೆಂಬುದು ಅಗೋಚರ ಸಮಸ್ಯೆಯಾಗಿದ್ದು; ಅಷ್ಟಮಂಗಳ ಪ್ರಶ್ನೆಯಲ್ಲಿ ತೋರಿಬಂದೆಂತೆ, ಉಡುಪಿಯ ಬ್ರಹ್ಮಾವರದ ಬಳಿಯ ಬಾರಕೂರಿನಲ್ಲಿ ಸಂಶೋಧನೆ ನಡೆಸಿದಾಗ; ನಶಿಸಿ, ಅಜೀರ್ಣಾವಸ್ಥೆಯಲ್ಲಿದ್ದ ಶ್ರೀ ದೇವಿಯ ವಿಗ್ರಹ ಮತ್ತು ದೇವಾಲಯದ ಕುರುಹುಗಳು ದೊರೆತಿದ್ದು. ಅದರ ಆಧಾರದ ಮೇಲೆ ಅಲ್ಲಿಯ ಆ ದೇವರು ಶ್ರೀ ಏಕನಾಥೇಶ್ವರಿ, ದೇವಾಡಿಗರ ಕುಲದೇವತೆ ಎಂದು ಸಮಾಜ ಬಾಂಧವರಿಗೆ ಮನದಟ್ಟಾಗಿ ನಾಲ್ಕು ವರ್ಷಗಳ ಹಿಂದೆ ಅದ್ದೂರಿಯ ಆಧುನಿಕ ಶಿಲಾಮಯ ದೇವಸ್ಥಾನವನ್ನು ಸುಮಾರು ಐದು ಕೋಟಿ ರೂಪಾಯಿಯಲ್ಲಿ ನಿರ್ಮಿಸಲಾಗಿದೆ. ಈ ದೇವಾಲಯ ನಿರ್ಮಾಣ ಕಾರ್ಯದಲ್ಲಿ ಮುಂಬಯಿ ದೇವಾಡಿಗರ ಮತ್ತು ಮುಂಬಯಿ ದೇವಾಡಿಗ ಸಂಘವು ಸಿಂಹಪಾಲು ವಹಿಸಿದ್ದರು.

ದೇವಾಡಿಗ ಭವನವು ನೆಲಮಾಳಿಗೆ ಮೇಲಿನ ಎರಡು ಮಹಡಿಗಳೊಂದಿಗೆ ಎರಡು ಸಭಾಭವನಗಳು, ಕಚೇರಿ, ವೈದ್ಯಕೀಯ ಕೇಂದ್ರ, ಗ್ರಂಥಾಲಯ, ಮಕ್ಕಳ ಆರೈಕೆ ಕೇಂದ್ರ ಇತ್ಯಾದಿಗಳನ್ನು ಹೊಂದಿದ್ದು, 24 ಫೆಬ್ರವರಿ 2007 ರಂದು ಮಹಾರಾಷ್ಟ್ರದ ಅಂದಿನ ಮುಖ್ಯಮಂತ್ರಿ ಶ್ರೀ ವಿಲಾಸ್ ರಾವ್ ದೇಶ್ಮುಖ್ ಅವರು, ಪದ್ಮವಿಭೂಷಣ. ಡಾ. ವೀರೇಂದ್ರ ಹೆಗ್ಗಡೆ, ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಮತ್ತು ಅವರ ಪತ್ನಿ ಹೇಮಾವತಿ ಹೆಗಡೆ, ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಶ್ರೀ ಎಂ. ವೀರಪ್ಪ ಮೊಯ್ಲಿ, ಮಹಾರಾಷ್ಟ್ರದ ಸಂಪುಟ ಸಚಿವರಾದ ಶ್ರೀ ಗಣೇಶ ನಾಯ್ಕ್, ರಾಯಗಡ ಎಂ.ಪಿ. ರಾಮಶೇತ್ ಠಾಕೂರ್, ಸಂಘದ ಅಧ್ಯಕ್ಷ ಶ್ರೀ ಧರ್ಮಪಾಲ್ ಯು ದೇವಾಡಿಗ ಮೊದಲಾದವರ ಉಪಸ್ಥಿತಿಯಲ್ಲಿ ಉದ್ಘಾಟಿಸಿದ್ದರು.

ಇಂದು ನಡೆದ 15 ನೇ ವಾರ್ಷಿಕೋತ್ಸವದ ಅಂಗವಾಗಿ ನಡೆದ ಭಜನಾ ಕಾರ್ಯಕ್ರಮದಲ್ಲಿ ಪ್ರಾರ್ಥಿಸುತ್ತಾ ಮಾತನಾಡಿದ ನವಿ ಮುಂಬಯಿ ಸ್ಥಳೀಯ ಸಮಿತಿಯ ಕಾರ್ಯಾಧ್ಯಕ್ಷರಾದ ಶ್ರೀ ಪ್ರಭಾಕರ ದೇವಾಡಿಗ ಇವರು, ದೇವಾಡಿಗರ ಅಂದಿನ ಮತ್ತು ಇಂದಿನ ಎಲ್ಲ ಸದಸ್ಯರನ್ನು ಸ್ಮರಿಸುತ್ತಾ, ಅವರ ಶ್ರಮದಿಂದ ಸಂಘವನ್ನು ಸ್ಥಾಪಿಸಿ ದೇವಾಡಿಗ ಭವನವನ್ನು ನಿರ್ಮಿಸಲಾಗಿದೆ ಎಂದು ನೆನೆವರಿಸಿ, ಸಂಘವು ಬೆಳೆಯಲು ಮತ್ತು ಸಮುದಾಯಕ್ಕೆ ಸಹಾಯ ಮಾಡುವ ಎಲ್ಲಾ ಸದಸ್ಯರಿಗೆ ಅವರು ಕೃತಜ್ಞತೆ ಸಲ್ಲಿಸಿದರು ಮತ್ತು ಇಡೀ ದೇವಾಡಿಗ ಸಮುದಾಯ, ಸಂಘ ವಿಶೇಷವಾಗಿ ಭವನದ ಎಲ್ಲರ ಏಳಿಗೆ, ಪ್ರಗತಿ, ಬೆಳವಣಿಗೆ ಮತ್ತು ಸಮೃದ್ಧಿಗಾಗಿ ಪ್ರಾರ್ಥಿಸಿದರು.

ಈ ಸಂದರ್ಭದಲ್ಲಿ, ಸಂಘದ ಮಾಜಿ ಅಧ್ಯಕ್ಷರಾದ ಶ್ರೀ ಎಸ್.ಪಿ. ಕರ್ಮರನ್; ಮಾಜಿ ಜೊತೆ ಕೋಶಾಧಿಕಾರಿ ಶ್ರೀ ದಯಾನಂದ ದೇವಾಡಿಗ; ಮಹಿಳಾ ವಿಭಾಗದ ಕಾರ್ಯದರ್ಶಿ, ಶ್ರೀಮತಿ ಪೂರ್ಣಿಮಾ ಡಿ. ದೇವಾಡಿಗ; ನವಿ ಮುಂಬೈ ಸ್ಥಳೀಯ ಸಮಿತಿಯ ಮಾಜಿ ಕಾರ್ಯಾಧ್ಯಕ್ಷರಾದ ಶ್ರೀ ಆನಂದ ಶೇರಿಗಾರ್; ನವಿ ಮುಂಬೈ ಸ್ಥಳೀಯ ಸಮಿತಿಯ ಕಾರ್ಯಾಧ್ಯಕ್ಷೆ (ಮಹಿಳಾ ವಿಭಾಗ) ಲತಾ ಎ. ಶೇರಿಗಾರ್; ಕಾರ್ಯದರ್ಶಿ ಶ್ರೀಮತಿ ಶಾಂತಾ ದೇವಾಡಿಗ; ಮಾಜಿ ಕಾರ್ಯಾಧ್ಯಕ್ಷೆ ಶ್ರೀಮತಿ ಪ್ರಭಾವತಿ ದೇವಾಡಿಗ, ಸದಸ್ಯರಾದ ಶ್ರೀ ಸುರೇಶ್ ದೇವಾಡಿಗ, ಶ್ರೀ ರಘು ದೇವಾಡಿಗ, ಶ್ರೀ ದಯಾನಂದ ದೇವಾಡಿಗ, ಶ್ರೀ ಹರೀಶ್ ದೇವಾಡಿಗ, ಶ್ರೀ ಶಂಕರ ದೇವಾಡಿಗ, ಶ್ರೀ ಭೋಜ ದೇವಾಡಿಗ, ಶ್ರೀಮತಿ ಧನವತಿ ದೇವಾಡಿಗ, ಶ್ರೀಮತಿ ಸುನಂದಾ ಕರ್ಮರನ್, ಶ್ರೀಮತಿ ಗೀತಾ ದೇವಾಡಿಗ, ಶ್ರೀಮತಿ ವಿನೋದಾ ಶೇರಿಗಾರ್, ಶ್ರೀಮತಿ ಆಶಾ ದೇವಾಡಿಗ, ಶ್ರೀಮತಿ ಸುಮತಿ ದಯಾನಂದ್, ಕುಮಾರಿ ತನ್ವಿ, ಮಾಸ್ಟರ್ ರೋಹನ್, ಮಾಸ್ಟರ್ ಚಿರಾಗ್, ಮಾಸ್ಟರ್ ಸಿದ್ದಾಂತ್ ಮತ್ತಿತರರು ಉಪಸ್ಥಿತರಿದ್ದರು.